Hamar Urteko Gerra

Hamar Urteko Gerra
Boluntario katalanen ontziratzea.
Data	1868ko urriaren 10a – 1878ko otsailaren 10a
Lekua	Kuba
Emaitza	Espainiarren garaipena
Gudulariak
Espainia  Kuba  Ameriketako Estatu Batuak
Buruzagiak
Arsenio Martínez Campos Carlos Manuel de Céspedes Máximo Gómez Antonio Maceo Grajales

Hamar Urteko Gerra (gaztelaniaz: Guerra de los Diez Años) edo Gerra Handia (gaztelaniaz: Guerra Grande) kubatarrek espainiar agintearen aurkako lehen independentzia gerra izan zen. Besteak Gerra Txikia (1879–1880) eta Kubako Independentzia Gerra (1895–1898) izan ziren. Gerra Yarako oihuarekin hasi zen, 1868ko urriaren 9tik 10erako gauean, La Demajagua finkan, Manzanillon, Carlos Manuel de Céspedesena zena.

Hamar urte beranduago amaitu zen Zanjongo Bakea edo Zanjongo itunarekin, non Kubako armada independentistak kapitulatu zuen Espainiako tropen aurrean. Akordio horrek ez zuen gerra horren bi helburu nagusiak bermatzen: Kubaren independentzia eta esklabotzaren abolizioa. Arrazoi honegatik, kubatar abertzaleen talde sakabanatuek borrokan jarraitu zuten 1878. urtean zehar, eta borroka berrabiarazten saiatu ziren Gerra Txikia deiturikoan (1879-1880).

Antonio Cánovas del Castillo Espainiako gobernuko presidenteak Gorteen aurrean aurkeztutako txostenaren arabera, gerrak ehun mila hildako eragin zituen, eta berrehun eta berrogeita hamar milioi pezeta kostatu zituen^[1].

1. ↑ VILLARES, Ramón (2009): Alfonso XII y Regencia. 1875-1902. Ramón Villares y Javier Moreno Luzón, ed. Restauración y Dictadura, Espainiako Historiaren 7. liburukia, Josep Fontana y Ramón Villaresek zuzendua. Bartzelona-Madril: Crítica/Marcial Pons, 43 or. {{ISBN|978-84-4423-921-8}}.